Бегова чорба-повкусна нема!

Ова е рецепт добро познат и традиционален во сараевската кујна. Не е тежок за подготовка, но бара време и внимание. Еве како да си направите Бегова чорба:

Состојки:

600 гр. пилешко месо

2 главици кромид

2 чешниња лук

2 целера

4 моркови

2 компира

200 гр.бамји

3 жолчки од јајца

4 лажици кисела павлака

магдонос, ловоров лист, сол, црн бибер

Подготовка:

Во поголемо тенџере ставете го месото, прелијте го со вода и оставете го да се вари. Откако ќе зоврие, собирајте ја пената и отстранувајте ја. Потоа сите зеленчуци (освен бамјата) убаво се мијат, се сечат на коцки и се додаваат во тенџерето. Се остава да се вари 40-тина минути. Потоа со решеткаста лажица или штипалка извадете го месото, компирот и морковот и исечкајте ги ситно. Останатиот зеленчук изблендирајте го. Сетоа тоа се враќа во тенџерето и се додаваат бамјите, ситно сецкани и зачините. Се вари уште 10 минути. Се матат жолчките од јајца и павлаката и со таа смеса се прелива чорбата.