Македонската армија рангираната на 134 место од 140 земји во светот

Секоја година Global Firepower објавува годишен извештај и ранг листа на 140 национални вооружени сили.

Индексот за Global Firepower ги рангира модерните армии на 140 земји. Global Firepower користи над 50 индивидуални фактори за да го одреди резултатот PowerIndex на одредена држава.

Рангирањето се заснова на потенцијалните способности на секоја нација да води војна по копно, море и воздух со конвенционални средства. Резултатите инкорпорираат вредности поврзани со трудот, воената моќ, опремата, природните ресурси, финансиски средства, логистичките способности и географијата.

Последниот извештај на Global Firepower за 2022 година покажува дека македонската армија се наоѓа на 134. место од 140 држави во светот.

Од 140 рангирани војски нашата АРМ важи за посилна само од вооружените сили на Суринам, Сиера Леоне, Леберија, Сомалија, Косово и Бутан.

Американските вооружени сили се први на листата, следат Русија, Кина, Индија петторангирана е Јапонија. Од европските армии највисоко котира Франција на седмата позиција, веднаш над Обединетото Кралство.

Од земјите во опкружувањето Грција е најсилна рангирана на 27. место. Србија се наоѓа на 61. место во светот, бугарската војска е 67-ма, а Албанија на 115. место.