Гостиварци прават свадби од Америка до Узбекистан

Значителен дел од браковите на граѓани од Гостивар се склучуваат надвор од границите на државата, што е уште еден показател на несопирливиот бран иселување. Според податоците од гостиварската матична служба, минатата година во книгата на венчани, регистрирани се вкупно 549 бракови, од кои 442 се склучени во Гостивар, а 107 се склучени во други држави, а потоа внесени во домашата евиденција.

„Од браковите склучени надвор од земјава, најголем дел се во Швајцарија 42 и во Германија 23. Во Турција биле склучени 10, Италија и Австрија по 8, Косово и Србија по 3, Словачка и САД по 2, додека во Албанија, Босна, Франција, Узбекистан и Бугарија по еден.“, информира директорката на подрачното матично одделение во Гостивар, Лумније Абдулаи.

Статистиката покажува дека иако има голем број брачни заедници кои се формализирале во странство, само мал дел се со странски државјани. Од вкупној склучените бракови во Гостивар лани, во 22 еден од брачните другари бил странец.

Инаку, ковид пандемијата и рестриктивните мерки имаа значајно влијание брз намалување на бројката на бракови, особено во 2020-та година кога таа изнесуваше 493. Минатата година, сепак се бележи зголемување, што може да се протолкува како резултат на укинувањето на забраните за правење на свадбени веселби.