Возат патници со неисправни возила, 15 казни во Гостивар и Тетово за превозници

Вчера (18 мај) во периодот од 7.00 до 12.00 часот на подрачјето на СВР Тетово била спроведена акциска контрола на возила со кои се врши јавен превоз на патници. Притоа, биле санкционирани 15 неисправни возила (Тетово-12 и Гостивар-3), од кои 2 со неисправни уреди за кочење и 13 за неисправни уреди за управување. Сите 15 возила веднаш биле исклучени од сообраќај, а на прекршителите им се изготвени соодветни платни налози, како и 3 барања за поведување на прекршочна постапка за правни и одговорни лица.

Секторот за внатрешни работи Тетово повторно апелира до правните одговорните и физичките лица, да ги почитуваат законските правила и прописи во сообраќајот, навремено да ја проверуваат техничката состојба, на возилата со кои се врши јавен превоз на патници, да ја уредуваат соодветно документацијата и да придонесат за нивната безбедност и одговорноста за патниците кои ги превезуаваат како и безбедноста на другите учесници во сообраќајот.