Апел од полицијата до угостителите да ги запазуваат протоколите и мерките против ковид

Секторот за внатрешни работи Тетово со апел до угостителите од подрачјето и до организаторите на семејни и други свечености во наредниот период целосно и доследно да се придржуваат кон пропишаните протоколи и мерки за спречување на ширење на „ковид-19“, а кои се однесуваат на бројот на гостите, нивниот вакцинален статус и другите препораки од највисоките здравствени власти.

СВР Тетово со совет и предупредување, исто така, на овие свечености да нема пукање од огнено оружје или неовластено приредување на огномети во или пред објектите, како и на други јавни места во непосредна близина. Зашто, секое непочитување на мерките и укажувањата ќе биде санкционирано со законски предвидените поднесоци и со парични или други казни, без разлика дали станува збор за физичко или правно лице.

„Со оглед на тоа дека претстои доаѓање на времено вработените од странство, кое наредниве денови ќе се интензивира, СВР Тетово советува да се почитуваат сообраќајните правила и прописи, пред се оние кои се однесуваат на брзина на движење, конзумирање на алкохол и паркирање. Погрешно, односно непопирсно паркираните веднаш ќе се санкционираат и подигнуваат од „пајак-службата“, додека „алкохолизираните“ возачи ќе се исклучуваат од сообраќај, а сите без исклучоци ќе се соочат со соодветни поднесоци. Ова, дотолку повеќе што во наредните дваесетина дена на подрачјето забележително ќе се зголеми вкупниот број на моторни возила, а со тоа и сообраќајната фрекфренција по патиштата и градските улици.“, нагласува полицијата.