Бејта во посета на гостиварската населба Дутлок

На денешната агенда на кандидатот за градоначалник на општина Гостивар од ДУИ, Невзат Бејта се најде гостиварската населба Дутлок. Бејта ги запозна жителите на населбата со новите проекти за овој дел на градот, предвидени во изборната програма  „Утрешен Гостивар“.

„Граѓаните од оваа населба се најголемите корисници на новата улица и мостот над реката Вардар, кои ги изградивме во изминатиот мандат со кои се овозможи слободно движење од населбата кон останатиот дел од градот. Овдешните ученици сега полесно стигнуваат до основното училиште “Мустафа Кемал Ататурк” , кое е целосно реновирано училиште и се смета за едно од најдобрите училишта во земјава. Во него се гради и спортската сала. Тука имаме два стадиона во кои  инвестиравме многу и кои го прават Дутлок елитна градска населба. Исто така, инвестиравме и во реасфалтирањето на главната улица во населбата. Меѓу предвидените проекти во новиот мандат е изградбата на четвртиот мост над реката Вардар, според генералниот урбанистички план на градот, реасфалтирањето на улицата од центарот на Долна Бањица до населба Дутлок, доуредувањето на градските паркови, како и иницијативата за уредување и чистење на коритото на реката Вардар“, рече кандидатот за градоначалник за Гостивар од ДУИ, при посетата на Дутлок.

Бејта денес беше и во населбата Леска каде пред граѓаните зборуваше за предвидените проекти на ова населба:  нови канализации, реасфалтирање на улица,  поставување на ограда покрај реката Вардар, изградба на улицата во блок 11, изградба на Детско катче кај спортскиот терен во близина на мостот и други.