Чесни гостиварци: Нашле паричник во паркот и ајфон на улица и ги пријавиле

Понекогаш невниманието на гостиварци ги чини скапо. Во текот на месец ноември како изгубени на подрачјето на Гостивар, пријавени се повеќе паричници, скапи мобилни телефони и два ајфони. Некои во паричниците носеле помала, некои поголема сума на пари, според пријавеното од 100 денари до 500 евра. Речиси сите пак, внатре имале по некој личен документ и кредитни картички. Предметите граѓаните најчесто ги губат додека се движат по улици или при излегување од некој трговски објект.

За разлика од овој месец, кога се пријавени само паричници и телефони, во октомври и септември, покрај такви случаи имало и пријави за изгубени регистарски таблици од автомобили, сообраќајни дозволи, студентски индекс и други.

Гостивар има и чесни наоѓачи, кои пријавиле дека пронашле одредени предмети паднати на јавни места и ги вратиле во полиција за да завршат во рацете на сопствениците. Во последните два такви случаи во градскиот парк бил пронајден паричник во кој имало денари и турски лири, додека на улица е најден ајфон.