Гостивар
Чествување на Преображение во Гостивар – Манастирот во Циглана срцето на прославата
Православните верници денес (19 август) одбележуваат голем христијански празник Преображение Христово. Овој празник е востановен во спомен на собитието на Тавор, кое се случило четириесет дена пред Христовата смрт и распетие. Кога Господ забележал дека апостолите не можат да ги разберат претстојните негови страдања и дека во срцата се исполнуваат со тага, за да не ослабнат во својата вера, ревност и љубов кон него ги извел на Таворската гора, и им се покажал во својата ненадминлива и несоздадена слава.
Централната прослава на празникот во Гостивар традиционално се организира во манастирот во изградба „Свето Преображение“ во населбата Циглана. Во храмот утрово дојдоа бројни верници од сите генерации, да бидат дел од празнувањето и осветувањето на грозјето што е обележје на празнувањето. Со мир и радост во срцето си поддаваа рака посакувајќи си „За многу години“ , споделувајќи ги моментите на духовно растење и молитва.
Темелите на манастирот, кој е прво православно светилиште што се гради во Гостивар после еден век, беа осветени во 2014-та година. За текот на работите и плановите поразговаравме со Даниел Радески, од Иницијативниот одбор на здружението за изградба на манастирот.
„Од септември планираме да имаме прием на нови членови на здружението, особено младинци. Поголемиот дел од нив и до сега биле вклучени во активностите, но ете сега тоа да го официјализираме и секако да го прошириме составот на луѓето кои помагаат за манастирот. Планираме карабината во текот на следната година целосно да се заврши и да почнеме една нова страница, нова приказна, заедно со МПЦ, за ставање во функција на црквата, како би имало редовни служби од страна на свештениците од гостиварската епархија и народот да може поконтинуирано да го посетува манастирот, иако тој и во моментов е често посетуван. Изминатиот период се изгради потпорен ѕид долг околу 60 метри, висок 5 метри, којшто многу ќе ни помогне за да ги завршиме натамошните градежни работи целосно со фасадата, како и партерното уредување.“, рече Радески додавајќи дека во соработка со општината се работи на проекти кои теба да резултираат со уредување на двата пата што водат до манастирот: едниот од Циглана, другиот преку околната шума.
По литургијата, осветувањето на грозјето и пресекувањето на славските колачи од кумовите, прославата продолжи во дворот на манастирот со народен собир.
Во предвечерието на празникот, вчеравечер беше организиран концерт на Влатко Миладоноски, кој беше масовно посетен од гостиварци.
-
Гостиварпред 4 недели
Курсна листа на НБРМ и приватните менувачници во Гостивар
-
Македонијапред 5 дена
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 дена
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
БРАВО! Руфија Идризовска од Гостивар со просек 10,00 најдобар студент на ПМФ и Институтот за хемија
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
Видео емисиипред 3 месеци
Емисија „МИНУТИ ЗА СЕКОГО“ – Гостин: Благица Димитровска | ПРОБЛЕМИТЕ И МАКИТЕ НА ЛИЦАТА СО ПОПРЕЧЕНОСТ