Вести
Деца, есен, кофи, најлон, политика и покривот на ОУ „Гоце Делчев“…
Стариот дотраен покрив кој прокиснува и оваа есен остана над главите на учениците во основното училиште „Гоце Делчев“ во Гостивар. Неизвесно е дали училиштето ќе добие нов кров, со оглед на тоа што проектот тапка во место повеќе од една година. Министерството за образование даде одредени забелешки и го врати проектот на доработка кај општината. Од Министерството се на став дека ќе распишат тендер за изведувач на работите, откако ќе ја добијат верзијата со корекции, како што побарале стручните служби. Тоа по се изгледа ќе потрае, затоа што градоначалникот Таравари вели дека нема ингеренции, општината засега нема што да прави со кровот, а потезите на Министерството биле тенденциозни.
„Ние немаме ингеренции во образованието, Министерството е на друга партија, општината нема што да прави таму. После 22 ноември, откако ќе ги земеме ингеренциите, ќе кажеме што можеме да направиме. Минатата година најдовме едно преодно решение, кое не е трајно. До Министерството 7-8 пати сме ја испратиле документацијата за покривот, меѓутоа јас мислам дека тоа што го прават е тенденциозно, намерно, за да испадне дека градоначалникот ветува, а нема ништо од покривот“, изјави Таравари.
Општината лани врз стариот кров постави најлон, како привремено решение. Тогаш беше речено дека напролет ќе се заокружат тендерските процедури, а во текот на летниот распуст ќе се постави новата покривна конструкција. Тоа не се случи, а учениците стануваат заложници на политички игри.
Проектот за целосна реконструкција на покривот чини околу 250 илјади евра. Со него треба да се реши деценискиот проблем за учениците кои учат на горниот кат, каде при дожд тече вода во училниците, а децата седат на часови со кофи.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот