Вести
Gostivarasi Dejan Gegovski fitues i Unazës së inxhinierit, mirënjohje për studentët më të suksesshëm-inxhinierë
Presidenti Stevo Pendarovski, studentëve më të suksesshëm të cilët diplomuan në fakultetet që kultivojnë disiplina inxhinierike u dha mirënjohjen “Unaza e inxhinierit”.
Fituesit e këtij viti të mirënjohjes janë 12 inxhinierë të diplomuar: Marija Petrova nga Fakulteti i Arkitekturës – Shkup; Dejan Gegovski nga Fakulteti i Ndërtimtarisë, Shkup; Marija Sharevska nga Fakulteti i Inxhinierisë Mekanike; Monika Fidançevska nga Fakulteti i Teknologjisë dhe Metalurgjisë; Metodija Bucevski nga Fakulteti i Elektroteknikës dhe Teknologjive Informatike, Shkup; Anita Bliznakovska nga Fakulteti i Shkencave Bujqësore dhe Ushqimit, Shkup; Jovana Dobreva nga Fakulteti i Shkencave Informatike dhe Inxhinierisë Kompjuterike, Shkup; Elena Sokolevska nga Fakulteti i Shkencave të Pyjeve, Arkitekturës së Peizazhit dhe Ekoinxhinieringa “Hans Em”, Shkup; Ana-Marija Stamenkovska nga Fakulteti për Dizajn dhe Teknologji të Mobileve dhe Enterierit, Shkup; Elena Stefova nga Fakulteti i Shkencave Matematikore dhe Natyrore, Shkup; Marija Grujovska nga Fakulteti i Shkencave Natyrore dhe Teknike, Shtip dhe Marija Naumoska Andreska nga Fakulteti Teknik, Manastir.
“Besoj se “Unaza e inxhinierit” tashmë është ngritur në një projekt të suksesshëm dhe origjinal i cili e realizon qëllimin e parë – afirmim të profesioneve të inxhinierisë dhe rëndësinë e tyre për shoqërinë. Është e qartë se duhet t’i orientojmë prioritetet tona edhe më shumë drejt arsimit dhe shkencës. Komoditeti i shoqërive konsumuese e ka shtypur etjen për të mësuar dhe për dituri dhe i ka relativizuar solidaritetin, etikën dhe sistemin ekzistues të vlerave. Si inxhinierë të ardhshëm ju duhet jeni faktorë të ndryshimeve dhe të përparimit. Shpresoj se do të keni mundësi të krijoni si arkitektë të ardhshëm, inxhinierë mekanikë, informaticienë, teknologë, elektroteknologë, inxhinierë të ndërtimit, bujqësisë dhe pyjeve dhe në vete duhet të mbani gjithmonë mendimin se qëllimi ynë i përbashkët është të ndërtojmë një botë më të bukur, më të drejtë dhe më humane”, rekomandoi Presidenti Pendarovski.
Mirënjohjen “Unaza e inxhinierit” e jep Institucioni i Inxhinierisë së Maqedonisë dhe Oda e Arkitektëve të Autorizuar dhe e Inxhinierëve të Autorizuar, me mbështetje të Presidentit të Republikës së Maqedonisë së Veriut, qëllimi i të cilës është të nxitet studimi i inxhinierisë duke kontribuar kështu në krijimin e pasardhësve cilësorë inxhinierë.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот