Гостиварската полиција со кривична против двајца малолетници за тешка кражба

Секторот за внатрешни работи Тетово-Надворешна канцеларија за криминалистички работи Гостивар целосно ја расветли тешката кражба, пријавена на 5-ти, а извршена помеѓу 3-ти и 5-ти ноември годинава во куќа во горнореканското село Сенце и до Основното јавно обвинителство Гостивар ќе поднесе кривична пријава против две малолетни лица на возраст од 17 години од Сенце и Кичево.

СВР соопшти дека двајцата малолетници се сомничат дека насилно влегле во куќата и противправно одзеле предмети од домот. Предметите биле пронајдени и ќе им бидат вратени на нивните сопственици.