Градоначалничката на Тетово Арифи позитивна на ковид – целосно вакцинирана, има благи симптоми

Градоначалничката на Тетово, Теута Арифи објави дека има позитивен резултат на коронавирус, поминува со поблаги симптоми, а дека била ревакцинирана пред повеќе од месец и половина.

„Вчера по некои мали здравствени проблеми, бев тестирана и резултатот е позитивен за COVID19. Почитувајќи ги здравствените протоколи, во наредните денови ќе останам во самоизолација и ќе ја добивам потребната терапија. Иако примив втората доза од вакцината пред повеќе од 1 и пол месеци, вирусот се‘ уште е меѓу нас и може да влијае на сите. Благодарение на вакцинацијата досега имам само мали симптоми, затоа ги охрабрувам сите граѓани да се вакцинираат што е можно поскоро! Останете внимателни и одговорни, заштитувајте се себе, семејството и другите околу вас!“, напиша во фејсбук статус Арифи.