ICan Гостивар станува Фондација, одржан борд состанок

Младинскиот ресурсен центар I Can во Гостивар од 2022-та година ќе делува како Фондација, којашто ќе црпи обезбедува средства за поддршка на разни проекти фокусирани на младите и бизнисите во полошко. Во центарот денес се одржа состанок на бордот, каде беа дефинирани деталите и официјално се донесе одлука за формирање на Фондацијата.

„Ова ќе биде прва од таков тип Фондација во полошки регион, а се прави за да има можност за аплицирање во други ЕУ проекти, со цел да се подигне нивото на ИТ трансфер на технологии, како кај младите така и во компаниите во полошкиот регион“, рече Азир Алиу, проект менаџер на центарот.

Општините Гостивар и Тетово на состанокот ги претставуваа претседателот на Советот на Гостивар, Ваљбон Лимани и тетовскиот градоначалник, Биљал Касами.

„Фондацијата ќе функцинора по иновативен модел triple helix, триаголник меѓу општините, бизнисите и универзитетите, кој верувам ќе биде многу корисен за сите страни“, рече Лимани.

Касами изрази задоволство од учеството на состанокот и одлуките што произлегоа.

„По сето тоа што се случуваше во Тетово, посебно сум среќен што сум дел од овој настан. Центарот е посебен затоа што за прв пат во Полог има центар за развој на младите и средни претпријатија, кој им дава можност на малдие да ги најдат работните места согласно подготвеноста и барањата на пазарот. Како општина ќе бидеме посебно ангажирани да овој центар се развива“, истакна тој.

Во изјавата за медиумите, ректорот на Универзитетот на југоисточна Европа, Абдулменаф Беџети рече дека Фондацијата треба да создаде одржливост.

„Фондацијата ќе води сметка за одржливоста на центарот, така со триаголникот Општини Гостивар-Тетово, Универзитетот на Југоисточна Европа и комодитетот на бизнисот ќе се создаде структура која ќе обезбеди одржливост“, изјави ректорот.

На состанокот се зборуваше и за активностите што ги спроведува центарот.