Гостивар
Реновирани училници во училиштето во Долна Бањица, следуваат и други проекти
На пригодна скромна свеченост, денес во подрачното училиште „Мустафа Ќемал Ататурк“ во гостиварска Долна Бањица беа промовирани зафатите преземени за подобрување на условите за настава. Хуманитарната организација Дава реновираше 16 училници, како и ходниците во објектот.
„Тоа беше барање и потреба на учениците и наставниците и ние го исполнивме. Им посакувам секогаш да ги служи здравјето и да имаат успех во натамошниот образовен процес. Им благодарам од срце на оние кои ги дадоа потребните материјали за реновирањето по минимална цена, на сите кои се потрудија на било кој начин да ги усреќат дечињата“, рече претседателот на Дава, Муса Хусеин.
Директорот на училиштето „Мустафа Ќемал Ататурк“, Нури Мазлам изрази голема благодарност за уредувањето на училниицте. „За овој придонес упатувам бескрајна благодарност до организацијата и претседателот Хусеин. Добрите услови во едно училиште се елементарни за добар образовен развој за нашите деца. Ќе следуваат и дуги проекти, имаме потреба од спортска сала и се разгледуваат можности и за тоа да се реализира“, рече директорот.
На настанот присуствуваа и претставници од општината.
„Во име на Општина Гостивар и градоначалникот им се заблагодарувам на Дава за овој гест. Се надевам дека ќе има во иднина и други такви иницијативи, заедно со општината да направиме што подобри услови за учениците во нашата општина.“, рече претседателот на Советот, Ваљбон Лимани.
Раководителката на Секторот за образование, Аслијан Снопче го истакна значењето на активностите на организацијата: „Дава секогаш излегува во пресрет, ова е само една помош од нив, вреди да се спомене дека редовно обезбедуваат храна и подмируваат други потреби за социјално загрозените граѓани. Таква хуманост и помош е навистина добредојдена и ние сме за тоа благодарни“ .
Директорот на донаторите и претставниците од општината им врачи благодарници.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 2 месеци
Историјат на Осми март – Празник посветен на правата на жените
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок
-
Гостиварпред 2 месеци
Гостиварско архиерејско намесништво: Распоред на дежурни свештеници за Задушница