Измамници прелажуваат наивни граѓани за пари, 11 случаи во тетовско-гостиварскиот крај годинава

Секторот за внатрешни работи Тетово упатува апел и предупредување до граѓаните од тетовско-гостиварското подрачје да бидат докрај внимателни кога стапуваат во телефонски или непосредни контакти со непознати лица, за деловни или други цели.

СВР Тетово посебно укажува да се избегнуваат е-контактите и нарачките на  угостителски или трговски услуги, кои во најголем број се лажни и завршуваат со измама, а која претставува кривично дело казниво по член 247 од Кривичниот законик.

Според евиденијата на полицијата, во изминатите два и пол месеци годинава на ова подрачје вкупно пријавени се 11 измами (Тетово-9 и Гостивар-2). „Тие претежно се целосно расветлени, а сторителите се откриени, односно идентификувани и кои се и ќе бидат заокружени со соодветни поднесоци.“, се вели во известието од СВР.