Изминативе 24 часа 5 лица од Полог го прекршиле полицискиот час

Во периодот од 07.00 часот на 16 април до 07.00 часот на 17-април, на подрачјето на СВР Тетово вкупно 5 лица (ТЕ-3 и ГВ-2), не ја почитувале, односно ја прекршиле одлуката за ограничено движење, поради што се лишени од слобода, задржани во полициските станици Тетово и Гостивар и на сите ќе им се изготват поднесоци по член 206 од Кривичниот законик за „непостапување според здравствени прописи за време на епидемија“, информира полицијата.

Во овој период вкупниот број на лица спроведени во државен карантин изнесува 210 (ТЕ-62 и ГВ-148). Полициските службеници на СВР Тетово извршиле контроли на вкупно 328 лица (ТЕ-301 и ГВ-27) со решенија за изолација издадени од Државен здравствен и санитарен инспекторат.

Контролирани, исто така, биле и 253 лица со изјави за самоизолација (ТЕ-180 и ГВ-73). При контролите на лицата со решенија и со писмени изјави не се констатирани непочитувања.