Како на филм – Договориле тепачка во паркот во Гостивар, се вмешале и други лица со оружје

Во полицискиот билтен за Гостивар евидентиран е случај кој наликува на филмско сценарио. Вчера (27 февруари) во 22 часот и 30 минути, 43 годишен жител на долнорекнското село Врбјане, во СВР Тетово пријавил дека околу 19 часот и 50 минути во паркот на улица „Мајор Чеде Филиповски“ во Гостивар, неговиот малолетен син бил физички нападнат од 18 годишник од гостиварско Чајле, со кого претходно договориле физичка пресметка и од уште две други лица.

Според пријавеното, во нападот другите две лица користеле огнено и ладно оружје, со кое му се заканиле по животот.

Полицијата соопштува дека се преземаат мерки за целосно расчистување и документирање на случајот.