КК Гостивар започна со подготовките за новата сезона

Единствениот кошаркарски прволигаш од западна Македонија, Кошаркарскиот клуб Гостивар и официјално ги започна подготовките за претстојната натпреварувачка сезона 2021/2022.

На прозивката во Спортската сала Младост се појавија сите играчи на кои може да смета тренерот Александар Јончевски во моментов. Ренато Димитриевски, Марјан Јанески, Војче Лефкоски, Виктор Ефремовски, Роберт Димитриевски, Александар Тодоровиќ, Никола Силаџи, Дејли Мејш, Златко Јовицоски, Никола Заревски, Тома Стојаноски, Василије Серафимоски и Војче Василевски, се очекува екипата да се засили со уште двајца играчи.

Подготвителниот период „бело-сините“ ќе го одработат во Гостивар, а ќе се искористи за што подобра физичка и техничко-тактичка подготовка на тимот, во периодот што следи ќе се одиграат и неколку подготвителни натпревари.

Почетокот на првенството е закажано за првиот викенд во октомври, претходно треба да се одржи ждрепка по која ќе се знае распоредот за сезоната 2021/22.