Креативност на Докторот-Херој: Спасува животи со помош на јадици и делови од автомобили

Доктор Еван Атар Адхар (52), спасува животи на многу креативен начин и тоа на едно од најопасните места на светот, градот Бунж во Јужен Судан. Нема ни анестетици, ни апарати за рендген, струјата секој час ја снемува, а на пациентите им помага со автоделови и со рибарски јадици.

Атар не се обидува да најде оправдување. Сите имаат право на медицинска нега, па ако треба, сам докторот да ги прави конците за шиење на рани или да ги расклопува деловите од автомобилите, за да од нив направи стол за операции.

„И да фалат инструменти, операцијата мора да се изврши. Сме зашивале и со риболовни јадици“, вели пожртвуваниот доктор.

Во најмладата држава на светот, сите се наоружани до заби, па и тие, кои доаѓаат во импровизираната амбуланта, од обични луѓе, до членови на разни терористички групи, додека во последните пет години, убиени се повеќе од 100 хуманитарни работници. Болницата на доктор Атар, која сега има 120 кревети, еднаш некои млади наоружани луѓе, сакале да ја уништат, но тој успеал да ги смири тензиите. Дури и на водачот на паравоената формација, која е активна во таа област, му наредил, да не ја допре здравствената установа.

Секојдневната опасност и одвоеноста од неговите најмили, не застанале на патот на благородниот локален јунак, кој неделно врши по 50 операции. Неговата сопруга и четирите деца, ги гледа три пати годишно.

„Го повикав моето семејство да дојде и да види што работам. Кога мојата сопруга виде што се случува, рече дека нашата работа е вредна за жртвување“, рече хуманитарецот, кој веќе седум години спасува животи на креативен начин, во едни од најлошите услови на светот.