Левица формираше огранок во Гостивар – денес го одбележаа Денот на победата над фашизмот

Политичката партија ,,Левица”, неодамна конституираше локален огранок во Гостивар. Огранокот денес го одбележа Денот на победата над фашизмот со положување на цвеќе на споменикот на паднатите борци во НОВ.

„Победите се слават со гордост и внатрешно задоволство, впечатливо се доживуваат и генерациски се пренесуваат. 73 години потоа, обврска и должност на сите нас е да се сеќаваме и да го зачуваме споменот на херојската антифашистичка борба и оние кои застанале на вистинската страна на историјата. Носејќи ја во своето човечко битие, таа епохална и единствена победничка идеја и универзална вредност. Огромната жртва која во името на слободата и стремежот кон нов, повоен солидарен свет, борците на Народноослободителната борба ја направиле, не била залудна. Со повеќегодишната борба против окупаторот, окончана е германската тиранија, но и сите фашистички тенденции кои произлегувале од неа, а претставувале сериозна опасност почовештвото.,,Левица’’ – Гостивар, на сите слободоумни, чесни, храбри и непоколебливи гостиварци, им го честита 9 мај, Денот на победата над фашизмот и длабоко им се поклонува на оние кои со својот непокор го спасија човештвото од мракот надвиснат да ги поклопи и да ги прангоса сонот и мислата.“, нагласуваат од гостиварскиот огранок на „Левица“.