Македонија
Добра вест за ловџиите: Ловечки испит ќе се полага во секој град
Ловечкиот испит од сега ќе се полага во сите градови во Македонија, а не само во Скопје каде се одвиваше електронско полагање. Новината ја објави министерот за земјоделство, шумарство и водостопанство Љупчо Николовски.
„Со измените на законот за ловство кои што ги направивме, со укинувањето на електронското полагање кое што се одвиваше само во Скопје, од сега ќе се одвива низ целата територија на Република Македонија“ , изјави министерот.
Според претходниот закон од 2013 година ловечкиот испит се полагаше електронски што подразбираше и одредени трошоци. „
Не беше земено предвид дека голем дел од кандидатите се во поодминати години или немаат познавања за работа со персонален компјутер. Од друга страна, одделно се полагаа првиот и вториот дел на испитот, што им наметнуваше дури до 150 евра повеќе трошоци на кандидатите, а непотребно се плаќаа и услугите за правното лице задолжено да го спроведува испитот. Неефикасноста на начинот на полагање доведе до поразителни броеви на положени кандидати. Така, во просек испитот го полагале околу 500 кандидати годишно, а бројот на барања оди и до 2000 кандидати кои чекаат дури 2 години. Заради зафатеност на испитниот центар беа поставени и ограничувања, според кои сесии се одржуваа само 2-3 пати годишно“, објаснуваат од Министерството.
Според нив новите промени значително ја поедноставуваат отежнатата процедура и нудат поповолни услови за кандидатите со оглед на тоа дека во ист ден ќе се полагаат двата дела од испитот, теоретскиот и практичниот.
Стручната комисија за полагање на ловечки испит секоја година ќе подготвува и верификува база на прашања за полагање на ловечкиот испит, изработени врз основа на програмата за полагање на ловечкиот испит и истите ќе бидат јавно објавени на веб страницата на Министерството за земјоделство, шумарство и водостопанство.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот