Жените во Македонија живеат подолго од мажите

Припадничките на понежниот пол во Македонија во просек живеат 4,2 години повеќе од мажите. Податоците доаѓаат од Државниот завод за статистика, кој пресметал дека просечната возраст кај умрените од машки пол изнесува 71,1 година, а односно кај лицата од женски пол 75,3 години.

Според ДЗС, во Република Македонија бројот на починати лица лани изнесува 20. 318, што е за 0.5 % помалку во однос на претходната година. Поголем број се од машки пол, и тоа 10 554 или 51.9 % од вкупно умрените лица. Минатата година во земјава починале 201 доенче. Во Гостивар вкупната бројка на починати е 688, а на доенчиња седум.

Најчестата причина за смрт како и во минатите години, остануваат болестите на циркулаторниот систем, односно срцевите и мозочните удари. Потоа следуваат неоплазмите (канцер), а на трето место се  ендокрините, нутритивните и метаболичните болести.