Мало повечерие и благословување на петолебие во црквата „Пресвета Богородица“ во Гостивар

Во четвртиот петок од Великиот пост, Митрополитот Тетовско-гостиварски г. Јосиф, отслужи Мало повечерие со читање на четвртата статија од Акатистот кон Пресвета Богородица, во храмот „Успение на Пресвета Богородица“ во  Гостивар.

На крајот од Малото повечерие, Митрополитот г. Јосиф го благослови петолебието.

Петолебието е кратка служба на Благодарност, преку која ја изразуваме нашата благодарност кон Бога за сите благослови во животот. Ова благословување на петолебието е во спомен на чудото Христово кога со 5 леба нахранил 5000 луѓе.

Оваа служба традиционално се извршува во петоците на вечерна во првите пет седмици од Великиот пост и на празнично вечерно богослужение и други посебни пригоди.

По службата, лебовите се разделуваат меѓу присутните верници. Овој благословен леб помага против секакво зло, доколку се прима со вера.

фото: тетовско-гостиварска епархија