Месецов ќе почне исплата на бонус платата за 2019-та за вработените во МВР

Македонскиот Полициски Синдикат информираше дека исплатата на бонус платата за 2019 година, за вработените во МВР ќе започне во текот на месецот.
„Како единствен репрезентативен синдикат во МВР остваривме контакт со работодавецот при што бевме информирани дека службите во МВР ги вршат завршните активности за комплетирање на процесот на исплатата на бонус платата за 2019 година.“, соопшти синдикатот.
Право на бонус во висина од една просечна плата, согласно член 117 став 4 од Законот за работни односи имат сите вработени во МВР кој работеле над 150 часа подолго од полното работно време, а не отсуствувале од работа повеќе од 21 ден во текот на годината.
„Македонскиот полициски синдикат искрено верува дека овој процес е веќе заокружен и конечно во буџетите на МВР во иднина редовно ќе се проектират и обезбедуват парични средства за исплатата на Бонус платата, а се со цел работниците навремено да го добиваат стекнатото право од работен однос,односно ќе се спречат покренувањето на судски постапки по овој основ што резултираат со испумпумпување на енормно голема сума на парични средства од буџетот на МВР кои се неопходно потребни за нормално фуннкционирање на Министерството.“, нагласуваат од МПС.