Министерството за здравство бара медицински сестри за работа во патронажните служби

Министерството за здравство упати јавен повик до медицинските сестри кои имаат интерес да бидат ангажирани и да работат во службите за патронажна дејност, да се пријават и достават писмо за интерес. На јавниот повик можат да се пријават сите заинтересирани медицински сестри со завршено средно, вишо или високо образование во траење од три години, пробна работа и положен стручен испит.

„Работата во патронажните служби во траење од шест месеци ќе се спроведува во јавните здравствени установи – здравствени домови и општи болници со проширена дејност што вршат дејности од примарна здравствена заштита и во единиците во кои се врши дејноста.“, соопшти Министерството.

За пријавување потребно е да се достави писмо за интерес, во кое треба да се наведат: име и презиме, адреса на живеење, контакт-телефон и адреса на електронска пошта (мејл-адреса), копија од дипломата за завршено образование, копија од положениот стручен испит и јавната здравствена установа во која се изразува интерес да се врши работата според местото на живење.

Пријавувањето трае до 30 јуни, а документацијата се доставува до архивата на Министерство за здравство, ул. „50 Дивизија“ бр.14, 1000 Скопје, со назнака: ЈАВЕН ПОВИК за изразување интерес за работа во службите за патронажна дејност за медицински сестри.