Мотоциклистите во средиште на полициска контрола, во Гостивар 4 казнети

Во рамките на континуираните активности што ги презема СВР Тетово за поголем ред и безбедноста на сообраќајот, вчера (10 април) во периодот од 10 до 15 часот спроведена е акциска контрола за  прекршоците што ги прават возачите на мотоцикли. При контролата биле откриени и санкционирани 16 прекршоци (Тетово-12 и Гостивар-4), од кои најголемиот дел биле за некористење на заштитен шлем-кацига, потоа со поминат рок на важност на сообраќајна дозвола и управување без положен возачки испит. Против возачите биле поднесени соодветни поднесоци, информира полицијата. При контролата биле констатирани и санкционирани 9 останати сообраќајни прекршоци.

СВР Тетово апелира до возачите мотоцикли навремено да ги продолжуваат осигурителните полиси или регистрации, да не управуваат со мотоцикл без положен возачки испит, да носат кацига, со што ќе придонесат за личната безбедност и безбедноста на останатите учесници во сообраќајот.