Гостивар
Намален криминалитет и нарушувања на ЈРМ во Гостивар, усвоен 6 месечниот извештај на полицијата
Во првата половина од 2022-ра година, Одделението за внатрешни работи Гостивар бележи намалување на криминалитетот, зголемување на процентот на расветлени кривични дела, помалку случаи на нарушувања на јавен ред и мир како и на трговија со дрога. Овие и други податоци за работата на полицијата, денес беа презентирани на седница на општинскиот Советот, по што советниците го усвоија шестмесечниот извештај на ОВР.
„Во текот на првото полугодие на подрачјето што го покрива ОВР Гостивар забележавме намалување на севкупниот криминалитет, благо маналување, но сепак е за пофалба, од 5,1%. Минатата година имавме околу 370 кривични дела, а оваа година 350 дела. Тоа се должи пред се од зајакнатата будност на униформираната полиција, како и на надворешната канцеларија за криминалистички работи. Севкупната ефикасност на расветлување на делата изнесува 69,42% што е показател за успешното функционирање на ОВР. Во класичниот криминал имаме зголемување на расветлување на кривични дела за 6%, а ова го нагласувам затоа што во овој криминал најмногу се засегнати граѓаните, тука влегуваат кражби, одземање на моторни возила, разбојништва итн. Што се однесува до недозволената трговија со дрога и оружје, намален е бројот на откриени и пријавени кривични дела, но е зголемен обемот на заплената на опојни дроги, психотропни супстанци. Нарушувањата на јавниот ред и мир на подрачјето бележи намалување за 8,26% во однос на лани истиот период. Нарушувања на меѓунационална основа ОВР нема регистрирано“, рече при презентирање на извештајот Белинда Туксар Лотеска, началничка на одделението за аналитика во ОВР Гостивар.
Од страна на советниците беше отворено прашањето за безбедноста во сообраќајот, особено за појавата на малолетници кои управуваат авотмобили, мотори и други возила без дозвола, при што претставниците на полицијата истакнаа дека се спроведуваат контроли, а родителите во ваков случај се соочуваат со санкции.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот