Здравје и убавина
Неколку намирници со малку калории, идеални за слабеење
Постојат бројни нискокалорични намирници кои можат да ви помогнат да ги изгубите вишокот килограми, а некои од нив изненадувачки заситуваат.
Доколку сакате да се храните здраво и во исто време да слабеете, во исхраната треба да ги вклучите оние намирници кои содржат малку калории, но сепак се хранливи. Постојат бројни нискокалорични намирници кои можат да ви помогнат да ги изгубите вишокот килограми, а некои од нив изненадувачки заситуваат, пишува Healthline.
За разлика од многу други намирници кои се нискокалорични и можат да предизвикаат глад, оваа храна е нискокалорична, но и многу заситува. Најчесто станува збор за храна која содржи протеини и влакна кои промовираат слабеење, но и помагаат да останете сити подолго време, па нема да посегнете по нешто нездраво.
Овес
Овесот е одличен додаток во вашата секојдневна исхрана бидејќи е нискокалоричен и богат со протеини и влакна, поради што оваа храна ќе ве држи сити долго време. Овесната каша е најдобро да се јаде за појадок бидејќи е многу хранлива и може значително да влијае на апетитот.
Грчки јогурт
Обичниот грчки јогурт е одличен извор на протеини и секој треба да го додаде во својата исхрана. Содржи малку калории и е доста хранлив, особено ако му додадете малку шумски и јаткасти плодови.
Бобинки
Бобинки како јагоди, боровинки, малини и капини се преполни со витамини, минерали и антиоксиданси кои се важни за здравјето на луѓето. Покрај тоа, тие се нискокалорични и содржат многу растителни влакна, особено пектин, кој докажано го зголемува чувството на ситост и на тој начин придонесува за слабеење.
Пуканки
Доколку барате здрава ужина, пуканките се одличен избор. Имаат малку калории и богати се со диетални влакна, кои се важни за дигестивниот систем и придонесуваат за ситост и можат да го стабилизираат нивото на шеќер во крвта. Покрај тоа, студиите покажаа дека пуканките можат да помогнат во намалување на апетитот и зголемување на ситоста, што го прави совршена закуска.
Јајца
Познато е дека јајцата се богати со протеини, а содржат и важни витамини и минерали. Истражувањата потврдија дека е најдобро да ги јадете за појадок бидејќи се заситувачки и хранливи, а студија покажала дека луѓето кои јадат јајца наутро внесуваат помалку калории во текот на денот.
Чиа семе
Овие ситни семки со причина се нарекуваат суперхрана. Имено, чиа семето содржи голема количина на протеини и влакна, а има многу малку калории. Тие се богати со растворливи влакна кои апсорбираат течност и на тој начин промовираат чувство на ситост. Ако сакате да ја намалите желбата за нездрава храна и да го намалите апетитот, додадете чиа семе во вашата секојдневна исхрана. Можете да ги додадете во јогурт, салата или од нив да направите пудинг.
Риба
Рибата е богата со протеини, но и со здрави масти, кои се неопходни за одржување на добро здравје. Некои истражувања сугерираат дека зголемувањето на внесот на протеини може да го намали апетитот, како и нивото на грелин, хормон кој го стимулира гладот. Протеините од рибата се особено корисни за намалување на гладот и нивото на апетит.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ