Ноемвриски сообраќаен биланс: Еден загинат, петнаесет повредени

Полицијата во ноември на гостиварското подрачје регистрирала вкупно 20 сообраќајни несреќи, од кои половина се случиле во населени места, а другата половина на отворен пат. Црниот биланс е една човечка жртва, тројца тешко повредени и 12 полесно повредени лица.

Најмногу од несреќите, се случиле на гостиварските улици, потоа регионалните патишта кон Градец и Чегране, магистралата Гостивар-Кичево, автопатот Гостивар-Тетово.

„Најчести причини и во периодот за кој станува збор се: неприлагодена брзина, односно пребрзо возење и непочитување првенство на минување. Во четири несреќи учесниците го напуштиле местото“, соопштува СВР.

Минатиот месец биле откриени 34 технички неисправни, 102 нерегистрирани возила, две возила со претовар, како и 111 лица без возачки дозволи.

Констатираните прекршоци во дваесетината акциски контроли и редовни ноемвриски активности, заокружени се со 370 прекршочни, 396 мандатни платни налози, со 5 времено одземени дозволи и 111 исклучени возила од сообраќај. Станува збор за возилата кои ги управувале лица без положен возачки испит и валидна дозвола