Нови сообраќајни контроли во Гостивар, казнети над 30 возачи

Сообраќајните контроли на гостиварското и тетовското подрачје продолжуваат. Вчера (1 март) од 7 до 12 часот спроведена е акциска контрола во која била изречена 61 мерка (Тетово-28 и Гостивар-33) за непрописно престигнување. Најголемиот број биле на забранети места и престигнување во колона. На сите прекршители изготвени им се соодветни поднесоци согласно Законот за безбедност на сообраќајот на патиштата, а во Гостивар санкционирани биле и 7 други видови прекршоци, информира СВР.

Вчера, од 19 часот и 30 минути до 22 часот, тетовската Полициска станица за безбедност на патниот сообраќај спровела засилени контролни активности за брзина со кои се движат возилата во населено место.Со употреба на таканаречениот „ноќен радар“, на улицата „Маршал Тито“, на излезот од Тетово, биле регистрирани 28 пречекорувања на максимално дозволената брзина, од кои 11 за повеќе од 50 километри на час, додека неколку од нив се движеле и со брзина од близу 140 километри на час. На пребрзите возачи изготвени им се поднесоци и тие ќе се соочат со законски предвидените парични глоби и други санкции.