Објавени резултатите од конкурсот за стипендии за средношколците медицинари

Министерството за образование и наука ги објави резултатите од конкурсот за доделување на 500 стипендии за ученици кои доаѓаат од дуалните паралелки од здравствена заштита во учебната 2023/2024 година.

„Секој добитник на стипендија го симнува и пополнува во три примероци од договорот за стипендија и заедно со копија од лична трансакциска сметка на ученикот го доставува до МОН, директно преку писарницата во  министерството (договорот може да ги достави и друго лице во име на добитникот на стипендијата) или по пошта – препорачана пратка со повратница (ул. „Св. Кирил и Методиј“ бр. 54, 1000 Скопје), oд 20.03.2024 до 03.04.2024 година.“, соопшти МОН.

Одбиените кандидати ќе имаат можност за поднесување жалба од денот на добивање на електронското решение од МОН кое ќе биде прикачено на електронската апликација на ученикот и во кое ќе биде наведена причината поради која апликацијата не е прифатена.

Линкови до резултатите:

https://mon.gov.mk/stored/document/Lista%20so%20dobitnici.pdf

https://mon.gov.mk/stored/document/Dogovor%20dualni%20paralelki%202023-24.pdf