Од денес до недела Галичник филм фестивал

Со сценаристичка работилница за краткометражни сценарија со драматургот Дејан Дуковски, денес (3 август) почнува третото издание на Галичник Филм Фестивал.

Манифестацијата ќе трае до 7 август, а програмата е исполнета со 20 краткометражни филмови сместени во категориите: играни, документарни и кратки анимирани. Фестивалот го организираат Дарма Филм и Месна заедница Галичник, со поддршка на Агенцијата за филм.

„Повикувајќи се на традицијата за филмски проекции во старото кино за кои неуморно ни раскажа дедо Гапе, за тоа како со магариња од Јанче се носеле филмските ленти, за тоа како кровот во старото кино татне да чуе макар уште еден галички аплауз за некој нов филм, организаторите ве канат вас драги галичани да бидете и гости и домаќини на претстојниот фестивал! Овој викенд, најпрво на краткометражни филмови на Упија, а потоа и на избрана музичка програма.“, наведуваат од МЗ Галичник.

Фестивалот ќе биде збогатен со ди-џеј сетови и концерт на Ѓорѓи Шаревски и Јане Трајковски.