Одземени возачки дозволи и казни за пијани возачи во Гостивар

Изминатиот викенд Секторот за внатрешни работи Тетово спровел акциска контрола во сообраќајот во чиј фокус било возењето под дејство на алкохол. Во акцијата вкупно биле опфатени 127 возачи, од кои 82 на тетовското и 45 на гостиварското подрачје.

Според податоците од полицијата, на патиштата и улиците во гостиварско биле откриени 8 лица кои ги управувале возилата под дејство на алкохол, додека во тетовско, тројца. Сите биле исклучени од сообраќај и времено им биле одземени возачките дозволи. Освен тоа ќе се соочат и со соодветни казни.

СВР соопшти дека во контролата биле констирани и над дваесетина други видови прекршоци, кои биле соодветно санкционирани.