Вести
Општина Гостивар: Влеговме во фаза на инвестициски бум
Гостиварската локална власт се пофали дека периодов паралелно реализира повеќе капитални проекти, а привршува со процедури за реализација и на други инфраструктурни зафати. „Влеговме во фаза на инвестициски бум.“, велат од општината.
Од таму соопштија дека деновиве завршила изградбата на локален пат во село Трново што води до училиштето и асфалтирањето на улица на влезот на Лакавица.
Патот во Трново е со должина од околу 800 метри и широк од околу 4 метри. Проектот е финансиран преку ИПА компонента на Европската Унија и вклучува изградба на уште еден пат во селото Падалиште, со вкупна вредност од околу 119 илјади евра.
“Изградбата на овие патишта има цел во овој дел од гостиварските планински села да се создаде поволна бизнис клима за развој на агрикултурата, земјоделието, шумарство и квалитетот на снабдување со вода, како и развој на туризмот и руралното угостителство”, вели Бесим Догани, раководител на ЛЕР Канцеларијата при Општина Гостивар.
Во Лакавица се асфалтираше улица долга 230 метри, со површина од над 1.300 квадратни метри, односно од регионалниот пат Гостивар-Србиново, до мостот над реката во внатрешноста на селото. За реконструкција на улицата општината издвои околу еден милион денари од буџетот.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот