Гостивар
Општината руши повеќекатница во Гостивар изградена без дозвола
Утрово, фирма ангажирана од Општина Гостивар со полициска асистенција започна уривање на објект повеќекатница, на ул. „Сретко Крстески“ во Гостивар.
Локалните власти објаснуваат дека се работи за зграда, која е изградена без соодветните дозволи и одобренија и дека претходно за објектот било донесено решение за стопирање на градбата, кое не било испочитувано.
„Општината спроведува акција за рушење на дивоизградениот објект. Инвеститорот претходно беше опоменат и со записник и со решение за стопирање на градежните работи и со заклучок, што не беше испочитувано. Ние денес, само ги спроведуваме донесените законски акти“, изјави секретарот на општината, Назми Јусуфи.
Според образложението од градежната инспекција, ќе се уриваат ѕидовите на објектот, додека конструкцијата ќе остане.
„За тој урбан блок од градот, се очекува да има измени во деталниот урбанистички план. Инвеститорот требаше да ги испочитува забраните и да не продолжува со градбата, но тој избрза. Ова нека биде еден вид апел до сите инвеститори да не започнуваат да градат без одобрение, затоа што од денес ќе имаме нула толеранција за сите диви објекти“, рече Јусуфи.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот