Тепачка во Чегране, влетување во двор со автомобил во Форино

Вчера (28 август) околу 10 часот и 30 минути, 37 годишниот Б.Б. од гостиварското село Форино пријавил дека 38-годишниот Б.Б. од истото село, управувајќи патничко моторно возило „Мерцедес“ со гостиварски регистарски ознаки, насилно влегол во дворот пред неговата куќа и при тоа оштетил повеќе предмети, опрема и дваесетина украсни дрвца, по што се оддалечил од дворот. Полицијата соопшти дека пријавениот бил од слобода и задржан во Полициската станица Гостивар за целосно расчистување на случајот.

Околу 21 часот и 30 минути, пак пред чајџилница во гостиварското село Чегране бил нарушен јавниот ред и мир со меѓусебна физичка пресметка помеѓу двајца осумнаесет годишници. Тие размениле повеќе удари, по што биле разделени од присутните во угостителскиот објект. Секторот за внатрешни работи информира дека се работи на расчистување на случајот.