Вести
Повторно „повлечи-потегни“ со буџетот – Прекината седницата на гостиварскиот Совет
На една недела пред почетокот на новата година, општина Гостивар се` уште нема буџет за 2019. Денешната седница на Советот на општината, на која се разгледуваше предлог-буџетот беше прекината.
Претседателот на Советот, Насир Муслиу образложи дека во консултација со советничките групи и градоначалникот Таравари, по паузата која беше дадена, одлучиле расправата за буџетот да продолжи друг ден, откако ќе се анализираат предлозите кои претходно дојдоа од советниците.
Предлозите кои дојдоа од советничката група на ДУИ се однесуваа на кратење на средствата за привремени вработувања и нивно пренасочување за одредени инфраструктурни инвестиции, изградба на канализации, улици и слично.
Од општинското одделение за буџет пак, објаснија дека годинава Министерството за финансии ги лимитирало општините во однос на определувањето на капиталните инвестиции и тие мора да се држат до законските одредби.
„Не можеме да планираме колку што ние мислиме дека ќе реализираме, туку определен е конкретен процент, зависно реализацијата на буџетот во претходните три години. Значи она што е реализирано претходните години и плус 10%, кај приходите и расходите.“, рече Садри Елези од Секторот за буџет.
Предлог буџетот на општина Гостивар е проектиран на околу 17 милиони евра. Според законските регулативи, Советот треба да го изгласа најдоцна на 31 декември годинава. Неизвесно е дали ќе се повтори сликата од лани, кога Гостивар три месеци беше на мерка времено финансирање, поради недонесување на буџетот како резултат на политички судири меѓу локалната власт на чело со Арбен Таравари од Алијанса за Албанците и мнозинството во Советот, кое е во рацете на ДУИ и СДСМ.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ