Гостиарски
Познати гостиварци: Рок бенд АРЕА
Еден од најпознатите домашни бендови со богата кариера и бројни хитови, доаѓа токму од Гостивар.
АРЕА е формирана во 1991 година, а во првиот состав членувале: Ивица Брчиоски, Ружица Милошеска Брчиоска, Чеде Петрески, Горан Брчиоски и Душко Милошески. Наредната година на скопскиот Поп-Рок фест ја освојуваат првата награда, и добиваат можност за снимање на деби албум. Албумот наречен “Случајно тука ” продуциран од музичката продукција на Македонската радио – телевизија е прогласен за најдобар дебитантски албум на годината. По овој успех групата прави турнеја во земјава.
Во 1999 година АРЕА потпишува договорот со Авалон продукција. Душко го напушта бендот, а на негово место како тапанар доаѓа Драган Матески- Гаге. Во бендот се приклучува и Владо Антески како ритам гитарист.
Следната година го издаваат албумот “Врати на имагинација ” кој постигнува неверојатен успех. Песната “Сите мои слики” стана мега хит и ја издигна групата на врвот на популарноста. Сето тоа кулминира со голем концерт на Скопски саем, со огромна посетеност, незапаметена за овие простори. Вториот концерт се случи по една недела во Универзалната сала.
Во меѓувреме Гаге излегува од бендот, а Владо ритам гитарата ја заменува со тапани.
Во периодот од 2000 до 2003 година групата одржа преку 80 концерти во Македонија, на просторите на поранешната Југославија и во Бугарија. Во 2001 година го издаваат лајф албумот „Да пеам… сепак можам!“, снимен на концертот одржан во „Универзална сала“. Следната година излегува студискиот албум „Нешто недостасува“, а во 2005 албумот „Теби близу“ за ПГП-РТС на српски јазик.
Во ноември 2008 година, АРЕА го издава својот шести албум „Сè што сакам си ти“, по што следува концертна промоција. Во 2010 год. одржуваат два акустични концерти во Универзална. Во 2013 година, го објавуваат синглот „Запознај ме“. Лани во декември, беа дел од големиот концерт „All you need is love“ во Скопје. Периодов имаат настапи и концерти низ Македонија.
Актуелниот состав на АРЕА го сочинуваат: Ивица Брчиоски (соло гитара), Ружица Милошеска Брчиоска (вокал), Чеде Петрески (бас гитара), Горан Брчиоски (клавијатури) и Владе Антески (тапани).
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот