Вести
Предновогодишните забави ги полнат локалите во Гостивар
Предновогодишниот период е време кое поголем дел од граѓаните го користат за забави и дружења. Дали е преку ден или навечер, веќе не е ни важно, сите сакаат максимално да се опуштат и да се оттргнат од секојдневието во пресрет на новата година. Кафеаните, пицериите, рестораните и кафулињата низ Гостивар и околината деновиве се полни. Угостителите се трудат да привлечат што поголем број гости со своите понуди, комбинираат мениа, ангажираат музичари за свирка во „живо“…
За предновогодишните журки нема штедење. Така припадничките на женскиот пол неретко се подновуваат со ново парче облека, прават фризури и професионална шминка. Целта не е само да се биде убав на самата забава, туку и на сликите со кои фејсбук и инстаграм се преплавени деновиве. Со се јадење и пиење лесно може да се потрошат неколку илјади денари за една вечер.
Речиси и да нема фирма, организација, институција од која вработените нема да се соберат на предновогодишно дружење. Лека полека таквите собиранки станаа традиција со која се заокружува годината. Но, не се само забавите „од работа“ модерни. Последните години дружби имаат цели соседства, или другари и другарки од детството, па бивши колеги итн. Освен тоа, овој период од годината доаѓаат и роднините од странските држави, што е уште еден повод за уште една заедничка забава.
Што се однесува до подарувањето, кај нас не се негува традиција на разменување на подароци под елката. Среќата да си најдат подарок под елката најчесто ја имаат само дечињата. Подарокот за возрасните е заменет со излегување во кафеана, прославување и наздравување.
Угостителите ќе заработат некоја пара плус, граѓаните ќе се опуштат и со повеќе оптимизам ќе ја дочекаат новата година. Нозете ќе болат од играње, паричникот ќе се испразни, ќе има и мамурлук, но за добра забава и убави спомени гостиварци се подготвени на „жртви“.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот