Вести
„Пријателите на Шара“ во Гостивар – Се креира „Заедничка визија за Шар Планина“
Платформата „Пријателите на Шара“, лобисти за прогласување на Шар Планина за Национален парк, од Гостивар започнаа серија трибини на тема иднината на Шар Планина и заштитата на природата. Трибината беше наменета за претставници на општината, граѓански здружениja, собирачи на шумски плодови, сточари, ловџии, планинари, угостители.
Исти настани ќе се организираат и во другите општини во регионот на Шара, Тетово, Јегуновце, Врапчиште, Теарце и Боговиње. Од сето тоа треба да произлезе документ „Заедничка визија за Шар Планина“, како и Советодавно тело кое ќе има голема улога на заштитата и развојот на природата.
„Сакаме да разговараме со сите чинители за да видиме каков е нивното видување, како сакаат овој регион да се развива и како сакаат да ја видат Шар Планина во иднина. Целта е да креираме заедничка визија за Шар Планина, станува збор за еден документ кој ќе произлезе од партиципативно учество на сите шест општини. Во мај, пак ќе промовираме Советодавно тело, кое ќе им за цел да ги алармира надлежните институции за проблемите кои го тангираат локалното население, а се однесуваат на заштитата на природата. Ова Советодавно тело ќе го поврземе со таква структура од Косово и Албанија каде веќе има заштитени подрачја, и на тој начин ќе се развиваат проекти, кои ќе се спроведуваат во сите три земји подеднакво“, изјави Фросина Пандурска-Драмиќанин од Македонското еколошко друштво.
Иницијативата за прогласување на Шар Планина за национален парк е покрената пред десетина години, но сè уште не е влезена во законска процедура. Еколозите се надеваат дека целосната документација со Студија за валоризација на природните ресурси за да се креира закон, ќе биде готови за две години, по што се останува во рацете на Владата и Собранието. Бенефитите велат тие, ќе бидат огромни.
„Производите би добиле додадена вредност дека се еколошки производи. На пример брендот на Шарското сирење би се зголемил, бидејќи стоката би се напасувала во заштитено подрачје. Би се зголемил бројот на туристи, затоа што странските туристи сакаат да ја видат природната убавина на Македонија“, потенцира Пандурска-Драмиќанин.
Трибината во Гостивар се организираше во рамки на проектните активности на Пријателите на Шара, поддржани од ИПА 2 механизмот на ЕУ и канцеларијата на ГИЗ (Германско друштво за интернационална соработка) во Скопје.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот