Притвор од 30 дена за осомничените во „Јавна соба“

Судија на претходна постапка при Кривичниот суд Скопје определи 30 дневен притвор за двете лица осомничени за кривичното дело Производство и дистрибуција на детска порнографија по член 193- ст.3 в.в со ст.1 од Кривичниот законик.

„По произнесување на јавниот обвинител и осомничените лица, во присуство на нивен бранител, како и ценење на фактите и доказите приложени во предлогот за определување мерка притвор и висината на предвидената казна за конкретното кривично дело, судија на претходна постапка го прифати предлогот и донесе решенија со кои на: Д.К. и М.П. им определи мерка притвор во траење од 30 дена заради постоење на сите основи од член 165 ст.1 т.1,2 и 3 од ЗКП односно опасност од бегство, основан страв дека ќе ја попречи истрагата со влијание на сведоците и ќе го повтори или доврши кривичното дело.“, соопшти Кривичниот суд.