Решенија за изолација за уште 25 граѓани во Гостивар

Во текот на изминатото деноноќие,  според статистиката на Секторот за внатрешни работи Тетово нови решенија за изолација од Државен санитарен и здравствен инспекторат изготвени им се на вкупно 167 лицa, од кои во тетовско 142, а во гостиварско 25. Полицијата соопшти дека вкупно биле контролирани 1.370 лица со вакви решенија (Tетово-1050 и Гостивар-320).

Во последните 24 часа, изјави за самоизолација потпишале вкупно 15 лицa, од кои 6 во Тетово и 9 во Гостивар, а контролирани биле 255 лица (Тетово-180 и Гостивар-75 со потпишани изјави за самоизолација.

Во овој период  за неносење заштитни маски на вкупно 69 лица (Тетово-49 и Гостивар-20) изготвени им се прекршочни платни налози. Казните се 20 евра.