Се одбележува Светскиот ден на лицата со попречености

На денешен датум, 3 декември секоја година се одбележува Меѓународниот ден на лицата со попречености, промовиран за прв пат од страна на Обединетите нации во 1992 година. Целта е да се скрее вниманието на јавноста за нивните потреби и проблемите со кои се соочуваат. Проценките на Светската здравствена организација, се дека околу една милијарда луѓе живеат со некаква форма на попреченост, што одговара на околу 15% од светското население. Стапката на попреченост, делумно, се зголемува поради стареењето на населението и зголемувањето на хроничните здравствени состојби.

Лицата со посебни потреби, генерално имаат послабо здравство, пониско образование, помалку економски можности и повисоки стапки на сиромаштија отколку лицата без инвалидитет. Ова во најголем дел се должи на недостаток на услуги што им се достапни (како информатичка и комуникациска технологија, правда или транспорт) и многуте пречки со кои се соочуваат во нивните секојдневни животи. Овие пречки можат да имаат најразлични форми, вклучително и оние што се однесуваат на физичкото опкружување, или оние што произлегуваат од законодавство или политика, од општествени ставови или дискриминација, нотира ИЈЗ.