Седум лица потешко повредени во несреќи при работа годинава во гостиварско

Од почетокот на годината на поширокото гостиварско подрачје регистрирани се вкупно девет несреќи при работа. Бројката е помала во однос на лани, кога се евидентирани 19. Најголемиот број се случиле поради невнимание, но и имало и други причини.

Полициската статистика покажува дека во овие несреќи седум лица се здобиле со тешки, а две со телесни повреди од полесен карактер. Сите повредени биле мажи на различна возраст, од 18 до над 35 години.

Во истиот период биле регистрирани и дванаесет несреќни случаи, во кои биле инволвирани десет машки и две женски лица. Девет лица завршиле со тешки телесни повреди, две со лесни и едно без никакви последици од здравствена природа. Најчеста причина за случаите е човечко навнимание. Лани кога биле евидентирани 18 случаи со седум смртни последици.