Серија крводарителни акции низ средните училишта во гостиварско

Општинска организација на Црвениот крст во Гостивар започна со низа крводарителни акции низ средните училишта на подрачјето на општините Гостивар, Врапчиште и Маврово Ростуше. Акциите се спроведуваат во текот на месеците октомври и ноември, под мотото ,,На прагот на полнолетството дарувајте крв ! Подарете живот!“.

Првата се организираше во средното медицинско училиште во Гостивар, а од наредната недела ќе се продолжи во гимназијата, техничкото и во економското училиште. Во првата половина од ноември ќе бидат опфатени гимназиите во Неготино Полошко и во Ростуше.

Крводарителните акции се спроведуваат во соработка со Институт за трансфузиологија Скопје,  Кабинетот за трансфузиологија Гостивар и одделот за имунизација на Здравствен дом Гостивар.