Со сладолед против болно грло

Гребење, печење и болка во грлото се едни од најчестите проблеми на луѓето во зимскиот период од годината. Вообичаените класични начини на ублажување на ваквите симптоми сите ги практикуваме: течности, бомбони, прополис и слично. Но, дали сте доволно храбри да го лечите грлото со сладолед?

Можеби ќе ви звучи чудно, но сладоледот како ладна намирница може да ја смири грлоболката. Како делува? При воспаление на грло постои оток, поради проширување на крвните садови во слузокожата. За да се стеснат на крвните садови им треба токму нешто студено. Исто така, ледениот ефект ги отрпнува нервните завршетоци, па болката исчезнува.

Треба да се има на ум дека се препорачува само овошен сладолед, додека млечните видови треба да се избегнуваат.