Гостивар
Совет Гостивар: Доделени пари за ЈП „Риниа“ и за стационарот за кучиња-надоместоците за партиите повлечни од дневен ред
На денешната седница на Советот на Општина Гостивар беше донесена одлука за сувенционирање на Јавното претпријатие Риниа, кое стопанисува со спортската сала. Согласно одлуката, претпријатието во текот на 2022-ра година од општинскиот буџет треба да добие субвенции во износ од 3 милиони 612 илјади денари и 866 илјади денари за реновирање и непредвидени трошоци.
Советниците изгласаа и одлука за доделување на финансиски средства на Иницијативата за граѓански интеграции ИГИ-Гостивар кои го организираат функционирањето на стационарот за бездомни кучиња. Се работи за сума во висина од 399.300 денари, односно доисплата од претходно одобрените околу еден милион денари.
На седницата се усвоија и одлука за редовно ажурирање на „Процената на загрозеност на подрачјето на Општина Гостивар од сите ризици и опасности за 2022 г.“, прашања од урбанистичкото планирање и извештаи врзани со работата на општината.
На дневен ред првично беше ставена и точка за исплата на надоместоци за трошоци за учесниците во Локалните избори, партиите и градоначалникот, која на предлог на советникот Телат Фетаи од АА/А беше повлечена. Тој побара од општинската администрација и секретарот да направат проверка околу издржаноста на одлуката, со оглед дека имало измени и дополнувања на законските регулативи кои се однесуваат на ова прашање.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот