Стојаноска во посета на Лешок: Жртвите низ историјата на Македонија и народот не се на продажба

„Дрвото на слободна Македонија е натопено со многу крв од борци и патриоти кои немерливо ја сакале. Ние денес ја живееме нивната жртва. Ја живееме независна и слободна Република Македонија. И имаме обврска кон децата што своите таковци ги гледаат само на фотографии, кон нивните мајки, кон нас и нашите поколенија, имаме обврска да ја направиме Македонија пристојно место за живеење. И се обврзуваме на ова. Жртвите низ историјата на Македонија, како и народот во неа и неговата иднина, не се на продажба. Жртвите од пред  19 години, како Ѓоко Лазаревски од Лешок, ќе останат наша вечна лузна и спомен на еден од потешките периоди од современата македонска историја. Тие жртви се дадоа за наше подобро утре.“, порача денес при деншната посета на тетовското село Лешок, носителот на листата во ИЕ 6 на ВМРО ДПМНЕ и коалицијата, Дафина Стојаноска.

Во своето излагање, Стојаноска нагласи дека како партија и коалиција се обврзуваат да ја исправат неправдата.

„И сега, се наоѓаме пред избор меѓу подобро утре или повторно лаги. Подобро утре или заевиот хибриден режим. Јас нема да изберам да сум роб во сопствената држава и да сум понижена од срамните политики на Заев. Затоа, денес, од славниотЛешок, ние-кандидатите за пратеници на ВМРО-ДПМНЕ и коалицијата “Обнова на Македонија”, се обврзуваме дека ќе ја исправиме неправдата! Се обврзуваме дека ќе ја исправиме Македонија!“, изјави носителот на листата.