Течат четириесетина огласи за вработување на гостиварското подрачје – Какви работници се бараат?

Наоѓањето на работа е нешто што ги мачи голем дел од гостиварските граѓани, особено помладата популација. Актуелно на листата на невработени се запишани 4.863 лица од регионот на Гостивар, кои активно бараат вработување.

Бројот на работни места пак, кои се отвораат е далеку од потребите. Моментално активни се четириесетина јавни огласи за вработување. Фирми и установи бараат различни профили на работници: келнер, агроном, фармацевтски технолог, општи работници, такси возач, администратор, продавач. За во детските градинки во Гостивар отворени се огласи за прием на негуватели, хигиеничар, готвач, воспитувачи.

Најголемиот број од огласите се за вработувања на неопределено и со полно работно време. Дел се однесуваат на работно место организирано во смени, а дел само претпладне. Платите варираат зависно од работното место, од 12 илјади денари, 24 до 30 илјади денари.

Подетално, секој оглас поединечно може да се разгледа на следниот линк: ОГЛАСИ