Тинејџер со автомобил удрил во гостиварка

Дваесет и двегодишна гостиварка завршила со повреди во болница, откако ја удрил автомобил. Несреќата се случила вчера околу 18 часот и 30 минути на улица „Боге Велјановски“ во Гостивар. Според информациите од СВР Тетово, патничко возило „Форд ескорд“ што без возачка дозвола го управувал 15-годишник од Гостивар удрило во 22-годишната Ф.М. која се движела како пешак.

Од удирањето, гостиварката се здобила со телесни повреди, со друго возило била пренесена во општата болница „Ферид Мурат“ во Гостивар и по укажаната лекарска помош, била пуштена дома.

Полицијата извести дека се утврдуваат сите поединости поврзани со оваа сообраќајна несреќа.